Міжнародны дзень роднай мовы
«Рускай мове дай разгрузку-размаўляй па-беларуску!». Пад такім дэвізам з 16 па 22 лютага 2021 года ў ДУА «Сярэдняя школа № 8 г. Маладзечна» прайшлі мерапрыемствы да Міжнароднага дня роднай мовы з мэтай папулярызацыі беларускай мовы, а таксама выхавання нацыянальнай самасвядомасці, любові да беларускай мовы.
У 8 “А” класе прайшла гульня “І адвечна гучыць беларускае слова”. 7 “А” клас удзельнічаў у лінгвістычным падарожжы “З любоўю да роднага слова”. Вучні 7 класаў спаборнічалі ў інтэлектуальнай гульні “Роднай мовы цёплыя словы”.
Была арганізавана выстава газет, прысвечаных жыццю і творчасці беларускіх пісьменнікаў “Пісьменнікі-юбіляры” і выстава малюнкаў па творах беларускіх аўтараў.
Адбыўся штогадовы конкурс па беларускай мове “Буслік-2021”.
Вучні пачатковай школы і 5 класаў цікава правялі час, удзельнічаючы ў беларускіх народных гульнях.
Цікава прайшла акцыя “Далучыцца да роднай мудрасці”, дзе былі пераблытаны прыказкі і вучням трэба было іх аднавіць. Пачаткоўцы сталі ўдзельнікамі акцыі “Роднай мовы пералівы”. Дзеці стараліся як мага хутчэй прагаварыць хуткамоўкі. Вучні ўдзельнічалі ў акцыі “Роднай мовы залацінкі”. Ім трэба было пазнаёміцца з фразеалагізмамі і пастарацца іх растлумачыць.
Дзень роднай мовы, думаецца, застанецца ў памяці нашых вучняў. Родная мова павінна жыць у сэрцы кожнага беларуса!
